Չինաստանում գիտնականը մահապատժի է դատապարտվել պետական գաղտնիք «վաճառելու» համար
Աշխարհ
Չինաստանում գիտնականը մահապատժի է դատապարտվել պետական գաղտնիք համարվող գաղտնի տեղեկատվություն վաճառելու համար։ Այս մասին հայտնում է ТАСС-ը՝ հղում անելով Չինաստանի պետական անվտանգության նախարարությանը։
Գործակալությունը հայտնում է, որ Լյու ազգանունով նախկին բարձր տեխնոլոգիաների հետազոտողին ցմահ զրկել են քաղաքական իրավունքներից։
«Պետական անվտանգության մարմինները հայտնաբերել և մանրամասն տեղեկություններ են ստացել օտարերկրյա հետախուզական գործակալությունների հետ քաղաքացի Լյուի շփումների մասին և օրենքով սահմանված կարգով ձերբակալել են նրան»,- ասվում է գերատեսչության հաղորդագրության մեջ։
Հայտնի է, որ Լյուն աշխատել է գիտահետազոտական ինստիտուտում՝ որպես ինժեների օգնական: Նա ասել է, որ իր հետ անարդար են վարվել աշխատանքում, չեն գնահատել, հաստիքը չեն բարձրացրել: Նա որոշել է հրաժարական տալ։ Մինչ այս նա գաղտնի պատճենել և պահպանել է մեծ քանակությամբ գաղտնի տեղեկատվություն, որի հետ աշխատում էր։
Աշխատանքը թողնելուց հետո Լյուն սկսել է առևտուր անել ֆոնդային բորսայում, բայց կորցրել է մեծ գումար և մեծ պարտքեր կուտակել: Իրավիճակը շտկելու համար նա որոշել է գաղտնի տեղեկատվություն վաճառել օտարերկրյա հետախուզական գործակալությանը:
Ավելի ուշ «նա գաղտնի ճանապարհորդել է բազմաթիվ երկրներ և բացահայտել պետական լուրջ գաղտնիքներ»։
Հարցաքննության ժամանակ Լյուն խոստովանել է ամեն ինչ։
ՈՒՂԻՂ ԵԹԵՐ
Ամենադիտված 
ՀՀ-ում ԱՄՆ դեսպանատնից լավ լուր․ նոր հնարավորություններ՝ հայ զինվորականների համար
