Բայրամովը բրիտանացի գործընկերոջը ներկայացրել է խաղաղության պայմանագրի ստորագրման համար Բաքվի պահանջները
Աշխարհ
Մարտի 19-ին հեռախոսազրույց է տեղի ունեցել Ադրբեջանի արտգործնախարար Ջեյհուն Բայրամովի և Մեծ Բրիտանիայի արտաքին գործերի նախարար Դեյվիդ Լեմմիի միջև, հայտնում է Ադրբեջանի ԱԳՆ-ն։
Հեռախոսազրույցի ընթացքում քննարկվել են Ադրբեջանի և Մեծ Բրիտանիայի միջև համագործակցության հարցեր, տարածաշրջանային ներկա իրավիճակը և Ադրբեջանի ու Հայաստանի միջև հարաբերությունների կարգավորման գործընթացի ներկա վիճակը։
Դեյվիդ Լեմմին փոխանցել է իր շնորհավորանքները Նովրուզի տոնի կապակցությամբ և վստահություն հայտնել, որ ադրբեջանա-բրիտանական հարաբերությունները հաջողությամբ կզարգանան։
Ջեյհուն Բայրամովն իր զրուցակցին պատմել է տարածաշրջանում տիրող իրավիճակի և խաղաղ գործընթացի մասին։
Նա ընդգծել է, որ չնայած խաղաղության պայմանագրի տեքստի շուրջ բանակցությունների ավարտին, դրա ստորագրման համար անհրաժեշտ են «Հայաստանի Սահմանադրության փոփոխությունները, որտեղ, իբր թե, պահպանվում են տարածքային պահանջներն Ադրբեջանի նկատմամբ»։
Բայրամովը նշել է նաև ԵԱՀԿ Մինսկի խմբի և այլ համապատասխան կառույցների լուծարման «կարևորությունը»։
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
