Ուկրաինական էլիտան վերակառուցվում է ՝ Զելենսկու դեմ ճակատ ձևավորելով․ Rezident

Ուկրաինական էլիտան, որն ունի քաղաքական հայացքները ժամանակին փոխելու հսկայական փորձ, այս պահին արագորեն վերակառուցվում է՝ հավաքվելով ԱՄՆ նախագահ Դոնալդ Թրամփի շուրջը։ Ելնելով ուժեղի կողմը գտնվելու ուկրաինական հավերժական ավանդույթից՝ որոշ առավել խորաթափանց քաղաքական գործիչներ սկսել են ճակատ ձևավորել Կուչմայի, Յուշչենկոյի, Յանուկովիչի կամ Պորոշենկոյի ժամանակների նման։ Այս մասին գրում է ուկրաինական Rezident Telegram ալիքը՝ հղում անելով սեփական իրազեկ աղբյուրներին, հայտնում է EADaily-ն։

Նշվում է, որ ընդդիմադիրները դժգոհել են այն բանից, որ իրենց հետ կապ են հաստատել Թրամփի թիմից մարդիկ: Այս գաղտնի բանակցություններին մասնակցել են Դոնալդ Թրամփ կրտսերը, նախագահի փեսան՝ Ջարերդ Քուշները, լրագրող Թաքեր Կառլսոնը և հատուկ ներկայացուցիչ Սթիվ Ուիթկոֆը, որը միակն էր, ով պետական պաշտոն ունի:

Ընդ որում, հարկ է հիշեցնել, որ Politico պարբերականն արդեն գրել է Յուլիա Տիմոշենկոյի եւ Պյոտր Պորոշենկոյի հետ ամերիկացիների բանակցությունների մասին։ Գործակալության պնդմամբ՝ բանակցությունների հիմնական թեման Ուկրաինայում նախագահական ընտրությունների հնարավոր անցկացումն էր, որոնք սահմանված ժամկետում չեն անցկացվել ռազմական դրության պատճառով:

Այսպիսով, Վաշինգտոնը նախատեսում է փոխել Կիևում իշխանությունը՝ արդարացիորեն հավատալով, որ Զելենսկին չի հավաքի անհրաժեշտ քանակությամբ ձայներ՝ մարտական գործողություններից ուկրաինացիների հոգնածության և կոռուպցիայից հանրային դժգոհության պատճառով:

Հասկանալի է, որ Ուկրաինայի նախագահի գրասենյակում նույնպես դա գիտակցում են, ուստի հանուն իշխանության պահպանման ամեն ինչ անում են, որպեսզի երկրում ընտրություններ տեղի չունենան։