Երեք երկրներ զրկվել են Եվրոպայի վերազինումից գումար վաստակելու հնարավորությունից․ Financial Times
Աշխարհ
ԱՄՆ-ի, Մեծ Բրիտանիայի եւ Թուրքիայի զինագործական ընկերությունները չեն կարողանա մասնակցել ԵՄ վերազինմանը, որի վրա Բրյուսելն առայժմ պատրաստվում է ծախսել 150 մլրդ եվրո: Այս մասին հայտնում է Financial Times-ը՝ հղում անելով պաշտոնատար անձանց:
Իրադարձությունների այլ զարգացում հնարավոր կարող է լինել միայն այն դեպքում, եթե նշված երկրները Եվրամիության հետ ստորագրեն պաշտպանության և անվտանգության մասին դաշնագրեր։
Այսպիսով, զենքի գնումների ֆինանսավորման համար հիմնադրամից գումար կարող են ակնկալել միայն ԵՄ-ի եւ երրորդ երկրների պաշտպանական ընկերությունները, որոնք ստորագրել են նշված համաձայնագրերը:
Պարբերականը գրում է, որ ընդունված որոշումը Ֆրանսիայի և այլ պետությունների հաղթանակն էր, որոնք կողմ էին «Գնիր եվրոպականը» սկզբունքին պաշտպանության ոլորտում ներդրումների հարցում:
Սակայն կարծիք կա, որ այս քայլը շփոթության մեջ կարող է դնել Մեծ Բրիտանիայի պաշտպանական հատվածը, որի պաշտպանական ընկերությունները խորապես ինտեգրված են եվրոպական արդյունաբերության համապատասխան հատվածներում:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
