Արխանգելսկում 100 ավտոմեքենայի մասնակցությամբ խոշոր վթար է տեղի ունեցել

Արխանգելսկի շրջանի M-8 դաշնային մայրուղու վրա մոտ 100 մեքենա է գտնվել զանգվածային վթարի գոտում։ Այս մասին հայտնում է ՆԳՆ մարզային վարչության մամուլի ծառայությունը։

«Ներկայումս ավտոճանապարհային երթեւեկությունը արգելափակված է վթարի վայրում՝ M-8 «Խոլմոգորի» դաշնային մայրուղու 1222-րդ կիլոմետրում։ Այս տարածքում մոտ 100 ավտոմեքենա կա»,- ասվում է հաղորդագրության մեջ։

Գերատեսչությունից պարզաբանել են, որ խոշոր վթարի հետևանքով տուժել է ավելի քան 30 ավտոմեքենա։

Բացի այդ, միջադեպի հետեւանքով երկու հոգի հոսպիտալացվել են, եւս երկուսին տեղում բուժօգնություն է ցուցաբերվել։

Թարգմանությունը՝ Մանուել Թամազյանի