Կանադան բանակցություններ է վարում ԵՄ-ի հետ՝ նվազեցնելու երկրի պաշտպանական կախվածությունը ԱՄՆ-ից․ AP

Կանադան բանակցություններ է վարում Եվրամիության (ԵՄ) հետ՝ նվազեցնելու երկրի պաշտպանական կախվածությունը ԱՄՆ-ից, այդ թվում՝ Եվրոպայից ավելի շատ կործանիչներ գնելու համար: Այս մասին մարտի 20-ին հայտնել է Associated Press (AP) գործակալությունը՝ վկայակոչելով Կանադայի կառավարության բարձրաստիճան պաշտոնյային։

«Կանադան բանակցություններ է վարում Եվրամիության հետ՝ միանալու ԵՄ-ի ջանքերին՝ անվտանգության ոլորտում Միացյալ Նահանգներից զերծ պահելու համար՝ հատուկ ուշադրություն դարձնելով Եվրոպային ավելի շատ պաշտպանական տեխնիկա՝ ներառյալ կործանիչներ գնելու վրա», - ասել է աղբյուրը հրատարակությանը:

Նշվում է, որ Կանադայի նոր վարչապետ Մարկ Քարնին երկրի պաշտպանության նախարար Բիլ Բլերին հանձնարարել է վերանայել ամերիկյան F-15 կործանիչների գնումը։ Որոշում է կայացվել այլ տարբերակներ գտնել «փոփոխվող միջավայրի լույսի ներքո»։

Մարտի 18-ին հաղորդվեց, որ Ֆրանսիան և Կանադան սկսել են նոր երկկողմ համագործակցություն անվտանգության և հետախուզության փոխանակման ոլորտներում։ Գործընկերության առանցքային կետերը կներառեն տնտեսական անվտանգությունը, լրտեսությունը, դիվերսիաները և զանգվածային ոչնչացման զենքերի տարածման կանխումը։