Եվրախորհրդարանում կաշառակերության գործով հինգ մարդ է մեղադրվում․ Reuters
Աշխարհ
Բելգիայի դատախազությունը հաստատել է, որ մեղադրանքներ է ներկայացրել հինջ անձի Եվրախորհրդարանում հնարավոր կաշառակերության վերաբերյալ, որում ենթադրաբար ներգրավված է նաև չինական Huawei ընկերությունը: Այս մասին հայտնում է Reuters-ը, գրում է EADaily-ն։
Հինգ մարդ ձերբակալվել է անցած շաբաթ։
Նրանցից չորսը ձերբակալված են և մեղադրվում են ակտիվ կոռուպցիայի և հանցավոր գործունեության մեջ, իսկ հինգերորդը` փողերի լվացման, սակայն շարունակում է մնալ ազատության մեջ: Դատախազությունը չի բացահայտել այս գործով ներգրավված անձանց անունները և չի տրամադրել տեղեկատվություն, որը կարող էր նրանց նույնականացնել:
«Huawei-ը զրոյական հանդուրժողականության քաղաքականություն է վարում կոռուպցիայի և այլ հանցագործությունների նկատմամբ։ Մենք ձգտում ենք միշտ պահպանել բոլոր կիրառելի օրենքներն ու կանոնները», - հայտարարել Է ընկերության ներկայացուցիչը:
Դատախազները հայտնել են, որ ենթադրյալ կոռուպցիոն գործողությունները կատարվել են «շատ գաղտնի»՝ սկսած 2021 թվականից՝ առևտրային լոբբինգի քողի ներքո։ Ներառում են վճարումներ որոշակի քաղաքական դիրքեր կամ ավելորդ նվերներ ընդունելու համար, ինչպիսիք են սննդի և ճանապարհորդության ծախսերը կամ ֆուտբոլային խաղերի կանոնավոր հրավերները:
ՈՒՂԻՂ ԵԹԵՐ
Ամենադիտված 
Բժիշկները հայտնաբերել են մի մթերք, որը լավացնում է տեսողությունը և ամրացնում արյունատար անոթները. ինչու արժե այն ավելացնել սննդակարգում
