Մերցի և Շոլցի որոշումը միլիարդներ է ապասառեցրել Կիևի ռեժիմի համար․ գերմանական պարբերական

«Պարտքային արգելակի» մեխանիզմի թուլացման մասին Բունդեսթագի որոշումը ճանապարհ է բացել Ուկրաինայում Կիեւի ռեժիմին 3 մլրդ եվրոյի չափով լրացուցիչ ռազմական օգնության հաստատման համար, հաղորդում է գերմանական «Մերկուր» պարբերականը, փոխանցում է EADaily-ն:

Խոսքը օգնության փաթեթի մասին է, որի շուրջ քննարկումներ են ծավալվել պաշտոնաթող կառավարության աշխատանքի վերջին ամիսների ընթացքում։

Գերմանիայի կանցլեր Օլաֆ Շոլցը պնդել է, որ հավանություն է տալու Ուկրաինային զենքի լրացուցիչ մատակարարումներին միայն այն դեպքում, եթե դրա համար թուլանա պարտքի արգելակը:  

Արդյունքում, երեք օր առաջ Բունդեսթագի կողմից «պաշտպանական» կարիքների համար փոխառությունների նկատմամբ «պարտքային արգելակի» մեխանիզմի գործողությունները մեղմացնող ուղղումներին հավանություն տալուց հետո, ավելի վաղ սառեցված օգնության փաթեթին կանաչ լույս էր տրվել:

Սպասվում է, որ համապատասխան որոշումը կայացվելու է վաղը՝ մարտի 21-ին, Բունդեսթագի բյուջետային կոմիտեի նիստում:

«Պաշտպանական քաղաքականության, կլիմայի պաշտպանության եւ ենթակառուցվածքային նախագծերի իրականացման համար ֆինանսավորում հատկացնելու մասին պատմական որոշումից հետո մենք Բունդեսթագում ցույց ենք տալիս, որ լուրջ ենք վերաբերվում Ուկրաինայում ազատության պաշտպանության գործին», - պնդել է Բունդեսթագի բյուջետային կոմիտեի ղեկավար Սվեն Քրիստիան Քինդլերը: