Կալասը հայտարարել է՝ ինչը կփրկի ԵՄ-ն արտաքին հարձակումից

ԵՄ դիվանագիտական ծառայության ղեկավար Կայա Կալասը հանդես է եկել այն պնդմամբ, որ միությանը արտաքին ռազմական հարձակումից կարող են պաշտպանել միայն խոշոր ռազմական ներդրումները, փոխանցում է AFP-ն:

Կալլասը ժամանել է Եվրամիության գագաթնաժողովին, որի թեմաներից մեկը լինելու է Եվրահանձնաժողովի կողմից մշակված պաշտպանության վերաբերյալ ԵՄ Սպիտակ գրքի՝ առաջիկա չորս տարիների համար 800 մլրդ եվրոյի պաշտպանական-ստրատեգիական ռազմականացման քննարկումը:

Լրագրողները դիվանագիտական ծառայության ղեկավարին խնդրել են մեկնաբանել Եվրահանձնաժողովի գծով իր գործընկերոջ՝ պաշտպանության գծով լիտվացի եվրահանձնակատար Անդրյուս Կուբիլյուսի հայտարարությունը։ Ով մարտի 19-ին Սպիտակ գիրքը ներկայացնելիս պնդել է, որ Ռուսաստանը, իբր, կարող է «հարձակվել ԵՄ-ի և ՆԱՏՕ երկրների վրա» մինչև 2030 թվականը:

Պատասխանելով այս հարցին՝ Կալլասը փաստորեն աջակցել է Կուբիլուսի դիրքորոշմանը:

«Եթե ԵՄ-ն բավականաչափ ներդրումներ կատարի իր ռազմական հնարավորությունների մեջ, դա հակառակորդին հետ կպահի հարձակումից։ Եթե մենք բավականաչափ ներդրումներ չենք կատարում, ապա դա նրան կդրդի հարձակման։ Ամեն ինչ կախված կլինի մեր գործողություններից», - ասել է նա։

ԵՀ ծրագիրը, որն այժմ պետք է հաստատեն ԵՄ երկրները, փաստացի պարտավորեցնելու է նրանց առաջիկա չորս տարիների ընթացքում 650 մլրդ եվրո հայթայթել ռազմական ներդրումների համար՝ բյուջեի ծախսերի կրճատման եւ պետական նոր վարկերի ներգրավման հաշվին:

Եվրահանձնաժողովը մտադիր է ևս 150 մլրդ եվրո ներգրավել ընդհանուր եվրոպական վարկի՝ եվրապարտատոմսերի տեղաբաշխման հաշվին։

Եվրահանձնաժողովը մտադիր է նաեւ ռազմական նախագծերի ֆինանսավորմանը փոխանցել Եվրոպական ներդրումային բանկը եւ թույլ տալ ԵՄ երկրներին ռազմական կարիքների համար օգտագործել Եվրամիության դեպրեսիվ տարածաշրջանների զարգացման հիմնադրամից իրենց հասանելիք միջոցները, որը կազմում է ԵՄ բյուջեի գրեթե հինգերորդ մասը:

Այսինքն՝ ենթակառուցվածքային և սոցիալական նախագծերի փոխարեն հանրակցության երկրների կառավարությունները օգտագործելու են եվրոպական փողերը ռազմական գործարաններ կառուցելու համար։