Մեծ Բրիտանիայի վարչապետը կոշտ հայտարարություն է արել Պուտինի հասցեին

Մեծ Բրիտանիայի վարչապետ Քիր Սթարմերը պնդում է, որ եթե Ուկրաինայի վերաբերյալ խաղաղ համաձայնագիր կնքվի առանց Կիևի անվտանգության երաշխիքների, ապա Ռուսաստանը իբր կխախտի այն։ Նրա խոսքերը Միացյալ Թագավորության ռազմակայաններից մեկում ունեցած ելույթից մեջբերում է Sky News հեռուստաալիքը։

Նա պնդում էր, որ Ուկրաինայի վերաբերյալ ցանկացած համաձայնագիր, որը «ոչ մի հիմք չունի», իբր կխախտվի նախագահ Վլադիմիր Պուտինի կողմից։

«Մենք դա գիտենք, քանի որ դա եղել է նախկինում: «Ես բացարձակապես համոզված եմ, որ դա նորից կկրկնվի», - ասել է Սթարմերը։

Մարտի 14-ին նախագահ Պուտինը հայտարարեց, որ Ռուսաստանը կհամաձայնի Ուկրաինայում հրադադարի մասին ԱՄՆ-ի առաջարկներին, եթե դա հանգեցնի երկարաժամկետ խաղաղության: Սրանից հետո պետության ղեկավարը փակ ձևաչափով հանդիպել է ԱՄՆ նախագահի հատուկ բանագնաց Սթիվեն Վիտկոֆի հետ, ով մեկնել է Մոսկվա՝ քննարկելու խաղաղ համաձայնագրի մանրամասները։ Իր հերթին Թրամփը Պուտինի խոսքերը խոստումնալից է անվանել։

Ռուսաստանի նախագահ Վլադիմիր Պուտինը և Ամերիկայի առաջնորդ Դոնալդ Թրամփը մարտի 18-ին անցկացրել են իրենց երկրորդ պաշտոնապես հաստատված հեռախոսազրույցը։ Մոսկվան և Վաշինգտոնը բանակցությունները գնահատել են արդյունավետ։ Երկու ղեկավարները խոսել են ուկրաինական կարգավորման և փոխշահավետ տնտեսական համագործակցության մասին։

Թարգմանությունը՝ Մանուել Թամազյանի