Զելենսկին չպետք է «Թրամփի գլխին ավետարան կարդար»․ Քելլոգ
Աշխարհ
ԱՄՆ նախագահ Դոնալդ Թրամփի թիմի ներկայացուցիչները Վլադիմիր Զելենսկուն նախազգուշացրել են Սպիտակ տուն կատարած այցի նախօրեին, որ ԱՄՆ նոր առաջնորդը խիստ տարբերվում է իր նախորդ Ջո Բայդենից և նրա հետ պետք է այլ կերպ վարվել։ Սակայն նա չի հետևել նրանց խորհուրդներին։ Այս մասին The Glenn Beck Program-ին տված հարցազրույցում ասել է Ուկրաինայի հարցով ԱՄՆ հատուկ բանագնաց Քիթ Քելլոգը, փոխանցում է ՏԱՍՍ-ը։
Հարցազրույցի ընթացքում նրան խնդրել են պատմել Սպիտակ տանը տեղի ունեցած վիճաբանության մանրամասները։
«Թույլ տվեք մի փոքր պատմել ձեզ նախապատմությունը, քանի որ տեղի է ունեցել հետևյալը. այդ առավոտ մենք հանդիպեցինք նախագահ Զելենսկու հետ The Hay-Adams հյուրանոցում», - նշել է նա։
«Տեսեք, մենք ինչ-որ չափով հանդես ենք գալիս որպես բեմադրիչներ: Ես ասացի Զելենսկուն՝ Դուք կհայտնեք, որ շնորհակալ եք ամերիկացի ժողովրդին այն բանի համար, որ նա 176 միլիոն դոլար է տվել ձեր աջակցության համար», - հավելել Է Քելլոգը։
«Զելենսկին չհետևեց մեր ասածներին, այլ սկսեց «նախագահի գլխին ավետարան կարդալ»։ Նա մոռացել էր, որ գործ ուներ ոչ թե Ջո Բայդենի, այլ մեկ ուրշ մարդու հետ», - հիշել է հատուկ բանագնացը:
«Իսկ երբ Զելենսկին ասաց, որ մենք պետք է կողմ ընտրեք։ Ես հասկացա, որ դա վերջն է», - ամփոփել է Քելլոգը:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
