Լուկաշենկոն Լավրովին անվանել է «ռուսական դիվանագիտության խորհրդանիշ»

Բելառուսի նախագահ Ալեքսանդր Լուկաշենկոն շնորհավորել է Ռուսաստանի արտգործնախարար Սերգեյ Լավրովին ծննդյան 75-ամյակի կապակցությամբ: Այս մասին այսօր՝ մարտի 21-ին, հայտնել են Բելառուսի նախագահի մամուլի ծառայությունից, փոխանցում է EADaily-ն։

«Ժամանակակից իրողությունների խորը ըմբռնումով փորձառու դիվանագետ, գործի նվիրյալ մասնագետ, ով իր ողջ կյանքը նվիրել է Հայրենիքին ծառայելուն, իսկական հայրենասեր, Դուք իրավամբ դարձել եք ռուսական դիվանագիտության խորհրդանիշը։ Միջազգային աննախադեպ լարվածության պայմաններում դուք հաջողությամբ պաշտպանում եք ազգային շահերը, ակտիվորեն նպաստում ավելի արդար, բազմաբևեռ աշխարհի ձևավորմանը», - ասված է շնորհավորական ուղերձում:

Լուկաշենկոն նշել է, որ Բելառուսում բարձր են գնահատում Սերգեյ Լավրովի մշտապես բարեկամական վերաբերմունքը երկրի նկատմամբ և նրա ջանքերը բելառուսա-ռուսական ռազմավարական գործընկերության զարգացման, Միութենական պետության ամրապնդման ուղղությամբ:

«Ակնկալում եմ հետագա արդյունավետ համագործակցություն՝ ի շահ մեր երկրների և ժողովուրդների», - ընդգծել Է Բելառուսի նախագահը:

Նա նաև Սերգեյ Լավրովին մաղթել է քաջառողջություն, հաջողություն բոլոր ծրագրերի իրականացման գործունեության մեջ, երջանկություն և բարեկեցություն: