Bloomberg-ը պարզել է՝ ինչի պահանջ ունի Եվրոպան

Արկերի համար անհրաժեշտ է երկու բաղադրիչ՝ Վառոդ՝ արկերը արձակելու համար և պայթուցիկ նյութեր, դրանք պայթեցնելու համար: Երկուսն էլ Եվրոպան  բավարար քանակությամբ չի արտադրում, որպեսզի բավարարի իր պահանջարկը: Այս մասին հայտնում է РБК-Украина-ն՝ հղում անելով Bloomberg-ին։

Ինչպես նշվում է հրապարակման մեջ, Եվրոպական կառավարություններն օգտագործել են իրենց զինամթերքի պաշարները Ուկրաինային զինելու համար: Ինչը սպառել է մայրցամաքում վառոդի, տրոտիլի և այլ պայթուցիկ նյութերի և հրթիռային վառելիքի պաշարները: Այդ ժամանակից ի վեր նրանք փորձում են մեծացնել հրետանային արկերի, հրթիռների և փամփուշտների արտադրությունը։

Քանի որ Եվրոպան պատրաստվում է պաշտպանական ծախսերի զգալի ավելացմանը, հետևաբար այդ նյութերը փոքր թվով արտադրողները մտադիր են մեծացնել դրանց կարողությունները:

Միայն Rheinmetall-ը նպատակ ունի մինչև 2028 թվականը ավելացնել վառոդի արտադրությունը ավելի քան 50%-ով, բայց նույնիսկ դա բավարար չի լինի:

Գործադիր տնօրեն Արմին Պապերգերը նշել է, որ ընկերությունը կարող է ստիպված լինել գրեթե կրկնապատկել արտադրությունը՝ հասնելով ավելի քան 20 հազար տոննայի՝ պահանջարկը բավարարելու համար: