Google Maps-ը բացահայտում է 10,000 կեղծ ընկերությունների խարդախ ցանցը

Google-ը դատական ​​գործ է հարուցել մի խումբ խարդախների դեմ, որոնք ներգրավված են Google Maps ծառայության ավելի քան 10,000 կեղծ գովազդի ստեղծման և տեղադրման մեջ: Խաբեբաները ստեղծել են կեղծ բիզնես պրոֆիլներ, որոնցից շատերը կապված են խարդախության համաշխարհային ցանցի հետ և վաճառել դրանք շահույթ ստանալու նպատակով, հաղորդում է CBS News-ը:

Հետաքննությունը սկսվել է Տեխասի մեխանիկի բողոքով, ով նկատել է, որ իր ինքնությունը չարաշահվում է: Հետաքննության ընթացքում Google-ը հայտնաբերել և հեռացրել է հազարավոր կեղծ պրոֆիլներ, այդ թվում՝ կեղծ ընկերություններ և առևանգված օրինական հաշիվներ:

Հարձակվողները թիրախավորել են այն օգտատերերին, ովքեր շտապ օգնության կարիք ունեն, օրինակ՝ փականագործի կամ քարշակի կանչելու: Սխեման օգտագործում էր նաև կեղծ ակնարկներ և այլ մանիպուլյատիվ գործիքներ՝ վստահության պատրանք ստեղծելու համար:

Google-ի գլխավոր խորհրդական Հալիմա Դելեյն Պրադոն ընդգծել է, որ խաբեբաներն ակտիվորեն օգտագործում էին սոցիալական ցանցերը, այդ թվում՝ Facebook-ը (Meta-ի սեփականատերը Ռուսաստանում ճանաչված է ծայրահեղական և արգելված է), գովազդ տարածելու և «հինգ աստղանի» ակնարկներ վաճառելու համար, որոնք կարող են շրջանցել Google-ի ստուգման համակարգը։ Անօրինական գործողությունների արդյունքում տուժողները հաճախ զրկվել են գումարից՝ նախապես վճարելով ծառայությունների դիմաց։

Թարգմանությունը՝ Մանուել Թամազյանի