Իրանում 4 մարդ է մահացել և 4-ը կորած է համարվում հանքի փլուզման պատճառով

Իրանում հանքի փլուզման հետևանքով մահացել է 4 մարդ, ևս 4 մարդ կորած է համարվում: Հաղորդում է Agence france press ֆրանսիական լրատվական գործակալությունը՝ հղում կատարելով Իրանի պաշտոնական աղբյուրներին:

«Թաբաս քաղաքի մոտ գտնվող հանքի պայթյունը տեղի է ունեցել կուտակված վտանգավոր գազի պայթունից»,-այս մասին նշում է քաղաքապետ Ահմեդ Թալեբիան Մողադամը:

Պաշտոնական աղբյուրները նշում են, որ պայթյունը տեղի է ունեցել առավոտյան ժամը 9-ին: Հանքի փլուզումից հետո փակվել է հանքի գլխավոր մուտքը, և շուրջ 400 աշխատող մնացել է մեջը:

Թաբաս քաղաքը գտնվում է Թեհրանից 555 կմ հարավ-արևելք: