Իրանը կշարունակի հարստացնել ուրանը մինչև 20%

Իրանը չի պատրաստվում դադարեցնել ուրանի հարստացումը մինչև 20%. այս մասին այսօր հայտնել է Իրանի Ատոմային էներգիայի հարցով կազմակերպության ղեկավար Ֆերեյդուն Աբասին. փոխանցում է ВЗГЛЯД թերթը: Աբասիի հայտարարությունը հնչեցվել է այն բանից հետո, երբ ԶԼՄ-ները հայտնեցին, որ Իրանի՝ «վեցնյակի» հետ հանդիպումը կկայանա արդեն 2013 թվականի հունվար ամսին Ստամբուլում:

Բացի այդ, ՄԱԳԱՏԷ-ն ավելի վաղ հայտարարել էր, որ Իրանի ատոմային ծրագրի շուրջ համաձայնությունը կարող է ձեռք բերվել արդեն հունվար ամսին. փոխանցում է РИА Новости-ն՝ հղում կատարելով IRNA-ին:

Ինչպես ВЗГЛЯД թերթը հաղորդել էր ավելի վաղ, Արևմուտքի մի շարք երկրներ և Իսրայելը կասկածում են Իրանին ատոմային զենքի մշակման մեջ: Երուսաղեմն անգամ սպառնացել է Իրանին ռազմական գործողություններով, եթե դիվանագիտական մոտեցումը չլուծի խնդիրը:
Թեհրանն իր հերթին չի հերքում, որ հարստացնում է ուրանը մինչև 20%, սակայն հայտարարում է, որ աշխատանքների նպատակը բացառապես վառելիքի քանակի մեծացումն է թեհրանական բժշկական ռեակտորի համար: