Կամբոջայում գեղեցկության մրցույթի մասնակիցները զարմացրել են իրենց «տարօրինակ» գեղեցկությամբ

Գեղեցկության մրցույթի մասնակից և մոդել Լայ Թայը, ով շլություն ունի, հաղթել է Կամբոջայում գեղեցկության մրցույթում և հակասություններ առաջացրել սոցիալական ցանցերում: Այս մասին հայտնում է Oddity Central-ը։

Կամբոջայի հանրահայտ գեղեցկության մրցույթը՝ Miss and Mr Majestic-ը, մեծ ուշադրություն է գրավել այն բանից հետո, երբ սոցցանցերում հայտնվել են նրա «սովորական արտաքինով» մրցույթի մասնակիցների լուսանկարները: Անցյալ ամիս կազմակերպիչները հրապարակեցին Mr Majestic տիտղոսի կարճ ցուցակում ընդգրկված 17 տղամարդկանց լուսանկարները, և, դատելով սոցիալական ցանցերի արձագանքներից, դրանք այն չէին, ինչ մարդիկ սպասում էին:

Մասնակիցները կիսամերկ կեցվածք են ընդունել՝ մարմինները պատված յուղով և ոսկե փայլերով։ Այնուամենայնիվ, մոդելներից շատերի մոտ նկատելի են եղել մարզական կեցվածքի և մկանների հստակության բացակայություն:

Կամբոջական ԶԼՄ-ները հաղորդում են, որ այս տարվա «Միստր Տիեզերքի» հավակնորդ Լայ Թայը աչքի արատ ունի: Չնայած ակնհայտ ֆիզիկական անկատարելությանը՝ նա հավաքել է ամենաշատ ձայները, հայտնվել հովանավորների գովազդային լուսանկարներում և կներկայացնի Կամբոջան «Միստր Տիեզերք» միջազգային մրցույթում։

Ի պատասխան քննադատների՝ նշվում է, որ միջոցառումը ոչ միայն ֆիզիկական գեղեցկության մասին է, այլ նաև մրցույթի մասնակիցների տաղանդի և վստահության մասին: