Արևմուտքն աստիճանաբար վերանայում է իր վերաբերմունքը ուկրաինական իրադարձությունների նկատմամբ. Պուշկով

Արեւմուտքի հասարակական կարծիքն աստիճանաբար վերանայում է իր դիրքորոշումը 2014 թվականին Ուկրաինայում տեղի ունեցած պետական ​​հեղաշրջման վերաբերյալ։

Այս մասին Telegram-ի իր ալիքում գրել է Դաշնային խորհրդի սահմանադրական օրենսդրության և պետականաշինության կոմիտեի անդամ Ալեքսեյ Պուշկովը։

Նա նշում է, որ տեղեկատվական տարածքում ավելի ու ավելի է նշվում, որ Մայդանի ժամանակ կրակել են հենց ուլտրաաջ ակտիվիստները։

Որպես օրինակ նա մեջբերեց The Hill-ի հոդվածը, որը հաստատում է հենց այս փաստը։ Հրատարակությունը խոստովանում է, որ հենց Մայդանում գտնվող ծայրահեղականներն են կրակ բացել ցուցարարների վրա, և միայն դրանից հետո դրա համար մեղադրել են ոստիկանությանն ու Ուկրաինայի այն ժամանակվա նախագահ Վիկտոր Յանուկովիչին։

«Այս արյունալի սադրանքը դարձավ Ուկրաինայում պետական ​​հեղաշրջման նախաբանը, ինչն ակնհայտորեն երևում է հրապարակումից», - ասում է սենատորը։

Այս կապակցությամբ նա եզրակացրեց, որ արևմտյան լրատվամիջոցները սկսել են փոխել իրենց կարծիքը 2014 թվականին Ուկրաինայում տեղի ունեցածի վերաբերյալ։ Ըստ նրա՝ սա կարեւոր քայլ է իրավիճակի առավել օբյեկտիվ լուսաբանման ուղղությամբ։

Ինչպես հաղորդում է EADaily-ն, Ալեքսեյ Պուշկովն ավելի վաղ հայտարարել էր, որ Եվրոպան առանց ԱՄՆ-ի չի կարողանա Ուկրաինային աջակցել ո՛չ ռազմական, ո՛չ էլ տնտեսապես։

Թարգմանությունը՝ Մանուել Թամազյանի