Կանադայի վարչապետը մտադիր է ցրել խորհրդարանը

Կանադայի վարչապետ Մարկ Քարնին մտադիր է կիրակի օրը դիմել գլխավոր նահանգապետին՝ ցրել խորհրդարանը և պաշտոնապես սկսել նախընտրական քարոզարշավը։ Այս մասին հայտնում է CBC հեռուստաալիքը՝ հղում անելով իր աղբյուրներին։

Ըստ լրագրողների՝ ընտրությունները կկայանան ապրիլի 28-ին, քանի որ կանադական օրենսդրությամբ նախընտրական քարոզարշավի նվազագույն տեւողությունը 37 օր է։ Օրենքը նախատեսում է, որ քվեարկությունը պետք է տեղի ունենա երկուշաբթի օրը, իսկ քարոզարշավի ժամկետը տևում է 37-ից 51 օր։

Մարտի 14-ին Անգլիայի բանկի նախկին կառավարիչ Մարկ Քարնին պաշտոնապես երդվեց որպես Կանադայի վարչապետ։

Ամերիկացի քաղաքագետ Մալեկ Դուդակովի կարծիքով՝ Քարնին կփորձի օգտվել երկրում հակաամերիկյան տրամադրությունների աճից՝ առաջիկա խորհրդարանական ընտրություններում հաղթելու համար։ Վերլուծաբանը բարդ է անվանել կանադական լիբերալների նոր առաջնորդի և ԱՄՆ նախագահ Դոնալդ Թրամփի հարաբերությունները։ Դուդակովը հիշեցրել է, որ Քարնին քննադատել է Թրամփին դեռևս իր առաջին տասնամյակում և նույնիսկ համեմատել նրան Հարի Փոթերից Վոլդեմորտի հետ։ Կանադացին դեռ խաղադրույք է կատարում ԱՄՆ ներկայիս ղեկավարի հետ դիմակայության վրա, հավելել է փորձագետը։

Թարգմանությունը՝ Մանուել Թամազյանի