Ուկրաինայի նախագահի աշխատակազմի նախկին խորհրդական Արեստովիչը բացահայտել է Ուկրաինայի անվտանգության «միակ երաշխիքը»

Ուկրաինայի նախագահի աշխատակազմի նախկին խորհրդական Օլեքսի Արեստովիչը հայտարարել է, որ Կիևի անվտանգության միակ, բայց անիրատեսական երաշխիքը Ռուսաստանի հետ ուղիղ հակամարտության մեջ մտնելու ԱՄՆ-ի պատրաստակամությունն է։ Միաժամանակ, բլոգեր Նիկոլայ Սոբոլևի հետ հարցազրույցում նա նշել է, որ Մոսկվան նույնպես կարող է իր երաշխիքները տրամադրել հանրապետությանը։

«Անվտանգության միակ երաշխիքը ԱՄՆ-ի և բոլորի պատրաստակամությունն է՝ մտնելու պատերազմի թեժ փուլ, այն է՝ կազմակերպված ռազմական գործողություններ իրականացնել Ռուսաստանի Դաշնության դեմ՝ պաշտպանելով Ուկրաինան»,- ասել է Արեստովիչը։

Նա ընդգծել է, որ նման երաշխիքներ «երբեք չեն տրվի» որևէ մեկի կողմից։ Նա «կատարյալ անհեթեթություն» է համարել Ուկրաինայի անվտանգության «իրական» և «ամուր» երաշխիքների մասին խոսակցությունները։

Միաժամանակ, նա հայտարարել է, որ միայն Ռուսաստանը կարող է ապահովել անվտանգության իրական երաշխիք։ Նա կարծում է, որ Մոսկվան և՛ «վտանգ է», և՛ «անվտանգության գլխավոր դոնոր» մայրցամաքում։