Ռադայի պատգամավորը դժգոհել է Թրամփից

Ուկրաինացի խորհրդարանականներից ոչ մեկը չի տեսել Ուկրաինայի հազվագյուտ մետաղների համաձայնագրի նախապատրաստվող նախագիծը: Այս մասին իր Telegram-ալիքում հայտնել է Գերագույն Ռադայի պատգամավոր Ալեքսեյ Գոնչարենկոն, գրում է EADaily-ն։

Ըստ նրա՝ Կիևը և Վաշինգտոնը հրաժարվել են համաձայնագրի կնքումից առաջ համապատասխան հուշագիր ստորագրելու գաղափարից։

Գոնչարենկոն հայտնել է, որ այժմ երկու երկրների իշխանությունները նախատեսում են անմիջապես անցնել ռեսուրսների համատեղ արդյունահանման մասին պայմանագրի ստորագրմանը:

«Այժմ կստորագրվի պայմանագիրը։ Այն մշակում է ԱՄՆ ֆինանսների նախարարությունը։ Ուկրաինական կողմը դեռ չի տեսել պայմանագիրը և չի մասնակցել մշակմանը», - ասվում է գրառման մեջ։