Ստամբուլի քաղաքապետ Իմամօղլուն առաջադրվել է որպես Թուրքիայի նախագահի թեկնածու

Թուրքիայի ընդդիմադիր Ժողովրդա–հանրապետական ​​կուսակցությունը կիրակի օրը՝ մարտի 23-ին, առաջադրել է Ստամբուլի  պաշտոնանկ արված ու կալանավորված քաղաքապետ Էքրեմ Իմամօղլուին որպես նախագահի թեկնածու։

Կուսակցության փրայմերիզներին ընդհանուր առմամբ մասնակցել է Թուրքիայի 15 միլիոն քաղաքացի, որոնք ներկայացնում են երկրում գրանցված ընտրողների գրեթե մեկ քառորդը։ Նրանցից Իմամօղլուին աջակցություն է հայտնել 13,2 միլիոնը։

Ժողովրդա-հանրապետական ​​կուսակցության նախագահ Օզգյուր Օզելը կոչ է արել Թուրքիայի նախագահ Ռեջեփ Թայիփ Էրդողանին որոշում ընդունել արտահերթ նախագահական ընտրություններ անցկացնելու և Էքրեմ Իմամօղլուի դեմ պայքարելու վերաբերյալ։

Նույն օրը ընդդիմության տասնյակ հազարավոր կողմնակիցներ հավաքվել են Ստամբուլի քաղաքապետարանի մոտ՝ բողոքելու Էրդողանի մրցակցի՝ քաղաքական դրդապատճառներով հետապնդման դեմ:

«Մի կողմից՝ Իմամօղլուն բանտում է, մյուս կողմից՝ նախագահական գնալու ճանապարհին»,- հանրահավաքի ժամանակ Օզելի խոսքերը մեջբերում է AP-ն։