Իսրայելը վերացրել է ՀԱՄԱՍ-ի առաջնորդներից մեկին
Աշխարհ
Իսրայելը սպանել է ՀԱՄԱՍ-ի քաղբյուրոյի անդամ Իսմայիլ Բարհումին Գազայի հիվանդանոցի վրա հարձակման ժամանակ։ Այս մասին մարտի 23-ին հայտնել է Al Arabiya հեռուստաալիքը։ Նշվում է, որ ՀԱՄԱՍ-ի ֆինանսական ակտիվների ղեկավար Բարհումը սպանվել է Խան Յունիս քաղաքի «Նասեր» բժշկական համալիրի գնդակոծության արդյունքում։
«Օկուպացիոն ուժերը թիրախավորել են «Նասեր» բժշկական համալիրի վիրաբուժական շենքը, որտեղ բազմաթիվ հիվանդներ և վիրավորներ կան, ինչի հետևանքով՝ մեծ հրդեհ է բռնկվել», - ասել է Պաղեստինի առողջապահության նախարարությունը:
Իսրայելը հաստատել է ՀԱՄԱՍ-ի անդամի սպանությունը։
«Մենք ճշգրիտ հարված ենք հասցրել ՀԱՄԱՍ-ի գլխավոր ահաբեկչին, ով գործում էր «Նասերի» հիվանդանոցի տարածքում։ Հարվածը հասցվել է հետախուզության մանրազնին հավաքագրումից և ճշգրիտ զինամթերքի կիրառումից հետո»,- հայտնել են պաշտպանության նախարարությունից։
Մարտի 22-ին Գազայի հատվածի հարավում Իսրայելի ավիահարվածի արդյունքում սպանվել է ՀԱՄԱՍ-ի քաղբյուրոյի առաջնորդներից մեկը՝ Սալահ ալ-Բարդավիլը։ Պատգամավորն ու նրա կինը սպանվել են Գազայի հատվածից հարավ գտնվող Խան Յունիսից արևմուտք գտնվող վրանների վրա իսրայելական ռմբակոծության ժամանակ:
ՈՒՂԻՂ ԵԹԵՐ
Ամենադիտված 
Թող բնական աղետները շրջանցեն մեր երկիրը. Գագիկ Սուրենյանը նոր գրառում է կատարել
