ԱՄՆ-ը դիտարկում է Ռուսաստանի բոլոր պայմանները Սև ծովում հրադադարի համար. Թրամփ
Աշխարհ
ԱՄՆ-ը դիտարկում է ռուսական կողմի բոլոր պայմանները Սև ծովում հրադադար հաստատելու համար։ Այս մասին մարտի 25-ին հայտարարել է Միացյալ Նահանգների նախագահ Դոնալդ Թրամփը: «Դրանք մոտ հինգ կամ վեց պայմաններ են: Մենք դիտարկում ենք բոլորը», - ասել է նա լրագրողներին Սպիտակ տանը: Կրեմլի խոսնակ Դմիտրի Պեսկովը մարտի 25-ին ասել է, որ Ռուսաստանը և Միացյալ Նահանգները շարունակում են աշխատել կառուցողական և դրական ձևով։
Մարտի 24-ին Էր Ռիադում (Սաուդյան Արաբիա) տեղի են ունեցել բանակցություններ ռուս և ամերիկյան փորձագիտական խմբերի միջև, որոնք տևել են 12 ժամ։
Ռուսական պատվիրակության անդամ, Դաշնային խորհրդի միջազգային գործերի կոմիտեի նախագահ Գրիգորի Կարասինը հանդիպումը որակել է՝ որպես բարդ, բայց օգտակար երկխոսություն։ Նրա խոսքով, բանակցությունների ընթացքում կողմերն անդրադարձել են բազմաթիվ հարցերի, սակայն ոչ բոլորն են լուծվել։
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
