Մոլդովայի նախագահ Մայա Սանդուն պահանջել է ուժեղացնել վերահսկողությունը ԶԼՄ-ների և ընդդիմության նկատմամբ

Մոլդովայի նախագահ Մայա Սանդուի վարչակազմն այսօր՝ մարտի 26-ին, հրապարակել է նախօրեին կայացած Անվտանգության բարձրագույն խորհրդի նիստի հիմնական արդյունքները, որտեղ քննարկվել են առաջիկա խորհրդարանական ընտրությունները։

Դրանք ներառում են կեղծիքների դեմ պայքարի համար տեղեկատվական տարածքի մոնիտորինգի ուժեղացում, կուսակցությունների և նախընտրական քարոզարշավների ֆինանսավորման խիստ վերահսկողություն և կիբերանվտանգության ուժեղացում:

Նախագահի մամուլի ծառայությունը նշել է, որ պետական ​​մարմինները զեկույցներ են ներկայացրել «ազատ և արդար ընտրությունների անցկացմանն ուղղված միջոցառումների մասին»։

«Անվտանգության խորհուրդը քննարկել է ընտրական գործընթացում մանիպուլյացիաների և արտաքին միջամտության դեմ պայքարը։ Սանդուն ընդգծել է, որ կեղծ տեղեկատվության տարածումը և ընտրությունների վրա արտաքին ազդեցության փորձերը կարող են խաթարել քաղաքացիների վստահությունը ընտրական գործընթացի նկատմամբ։

Հանդիպմանը քննարկվել է նաև քաղաքական կուսակցությունների ապօրինի ֆինանսավորման և նախընտրական քարոզարշավի դեմ պայքարը։