Եվրոպան և Լոնդոնը զայրացած են Թրամփի վարչակազմի վրա. Politico
Աշխարհ
ԱՄՆ վարչակազմի պաշտոնյաների նամակագրությունը դաշնակիցների մասին Signal մեսենջերում առաջացրել է վրդովմունք և զայրույթ Եվրոպայում և Մեծ Բրիտանիայում: Այս մասին հայտնում է Politico եվրոպական հրատարակությունը։
«Լոնդոնը ապշած է Վաշինգտոնի պաշտոնյաների միջև նամակագրության արտահոսքից»,-ասել է բրիտանացի դիվանագետը: Թերթի աղբյուրը միջադեպն անվանել է «վայրի» և ենթադրել, որ Եվրոպայի հանդեպ ԱՄՆ-ի թշնամական վերաբերմունքի գաղափարախոսը փոխնախագահ Ջեյ Դի Վենսն է։
Politico-ն նշում է, որ եվրոպացի դաշնակիցների հույսերը, թե Վաշինգտոնի վարչակազմը միայն հրապարակայնորեն կքննադատի իրենց և մասնավոր զրույցներում կարեկցանք կարտահայտի, մարել են:
«Այն, թե ինչպես են նրանք խոսում Եվրոպայի մասին, երբ կարծում են, որ ոչ ոք չի լսում, սթափեցնող է: Բայց, միևնույն ժամանակ, դա զարմանալի չէ: Պարզապես հիմա մենք տեսանք նրանց փաստարկներն իրենց ողջ ոչ դիվանագիտական փառքով», - ասել է եվրոպացի դիվանագետը պարբերականին: Առանց վստահության՝ չի կարող լինել միություն։ Այսպիսով, ես կարծում եմ, որ Եվրոպան շատ ավելին ունի անելու, քանի որ այլ ընտրություն չկա», - ասել է նա՝ մեկնաբանելով դաշնակիցների միջև վստահության վերականգնման հնարավորությունը:
ՈՒՂԻՂ ԵԹԵՐ
Ամենադիտված 
Ջուր հավաքեք․ ջուր չի լինելու
