Կայանի շահագործման համար այլ երկրների մասնակցության կարիք չկա. Զապորոժիեի ԱԷԿ-ի տնօրեն

Զապորոժիեի ատոմակայանը կարող է ամբողջ հզորությամբ աշխատել՝ առանց Ուկրաինայի մասնակցության, RIA Novosti-ին ասել է տնօրեն Յուրի Չերնիչուկը։

Ռուսաստանի արտաքին գործերի նախարարությունը երեքշաբթի օրը հայտարարել է, որ Զապորոժիեի ԱԷԿ-ի կամ դրա նկատմամբ վերահսկողության փոխանցումն Ուկրաինային կամ մեկ այլ երկրին անհնար է, և այլ երկրի հետ համատեղ գործունեությունը նույնպես անընդունելի է։ Նախարարությունը նաև նշել է, որ կայանի շահագործմանը միջազգային կազմակերպությունների մասնակցության գաղափարը անհեթեթ է թվում։ Բացի այդ, մի շարք լրատվամիջոցներ, վկայակոչելով Վոլոդիմիր Զելենսկուն, հայտնում են, որ Զապորոժիեի ԱԷԿ-ը չի կարողանա աշխատել ամբողջ հզորությամբ՝ առանց Ուկրաինայի տարածքում տեղակայված տեխնիկական ռեսուրսների։
«Իհարկե դա հնարավոր է»,- ասել է Չերնիչուկը՝ պատասխանելով այն հարցին, թե արդյոք Զապորոժիեի ԱԷԿ-ը կարող է ամբողջ հզորությամբ աշխատել՝ առանց Ուկրաինայի մասնակցության։
«Կայանի գործարկման բանալին ռազմական գործողությունների դադարեցումն է և անվտանգության երաշխիքների ապահովումը, երկրորդը՝ ցանցերի վերականգնումն ու կայանի լրացուցիչ ջրով ապահովումը, ինչպես նաև ռուսական օրենսդրության համաձայն տեխնիկական զննումների, վերանորոգման և լիցենզիաների ստացումը»,- հավելել է ԱԷԿ-ի տնօրենը։

Զապորոժժիայի ԱԷԿ-ը գտնվում է Դնեպրի ձախ ափին՝ Էներգոդար քաղաքի մոտ։ Սա Եվրոպայի ամենամեծ ատոմակայանն է բլոկների քանակով և հզորությամբ։ Կայանը ունի վեց էներգաբլոկ՝ յուրաքանչյուրը մեկ գիգավատ հզորությամբ։ 2022 թվականի հոկտեմբերին ատոմակայանը դարձավ Ռուսաստանի Դաշնության սեփականությունը։