ԵՄ-ն կանխում է արտաքին միջամտությունը իր գործերին և քննադատում Վրաստանին դրա համար

ԵՄ-ն կոչ է անում երկրներին քայլեր ձեռնարկել՝ դադարեցնելու արտաքին միջամտությունն իրենց ներքին գործերին՝ միաժամանակ քննադատելով Վրաստանում այս ուղղությամբ ընդունված օրենքը։ Այս մասին հայտարարել է Թբիլիսիի քաղաքապետարանի փոխնախագահ Զուրաբ Աբաշիձեն՝ ելույթ ունենալով Ստրասբուրգում Եվրախորհրդի տեղական եւ տարածքային իշխանությունների կոնգրեսի 48-րդ նստաշրջանում, որտեղ նախատեսվում է Վրաստանի վերաբերյալ բանաձեւ ընդունել։

Իր ելույթում Աբաշիձեն խոսել է Կոնգրեսի հետ Վրաստանի շարունակական համագործակցության կարևորության մասին, սակայն նշել է, որ Վրաստանում տեղի ունեցող իրադարձությունները քննարկվում են միակողմանիորեն։ Նրա խոսքով, վրացական կողմը զարմացած է բանաձեւի հակասական բովանդակությունից։

«Օրինակ, տեղական և տարածաշրջանային ընտրական գործընթացներին օտարերկրյա միջամտության մասին զեկույցը կոչ է անում անդամ երկրներին միջոցներ ձեռնարկել ներքին գործերին արտաքին միջամտությունը դադարեցնելու համար՝ միաժամանակ խստորեն քննադատելով Վրաստանի վերջերս ընդունված Արտաքին ազդեցության թափանցիկության օրենքը և FARA-ն, որոնք ծառայում են նույն նպատակին՝ պաշտպանելով պետական ​​շահերը արտաքին ազդեցությունից», - Eadaily-ի փոխանցմամբ՝  ասել է Աբաշիձեն։

Նա արձագանքեց նաև այլ օրենսդրական նախաձեռնությունների քննադատությանը և հայտարարեց, որ «Ընտանեկան արժեքների և անչափահասների պաշտպանության մասին» օրենքը չի վերացնում ԼԳԲՏ համայնքի իրավունքների պաշտպանության հարցը, և համայնքի անդամների նկատմամբ բռնության կամ խտրականության ցանկացած ձև կպատժվի օրենքի ողջ խստությամբ։

Ինչ վերաբերում է «Հեռարձակման մասին» օրենքում կատարված փոփոխություններին, ապա, ըստ Զուրաբ Աբաշիձեի, փոփոխություններն արվել են ԶԼՄ-ների անաչառությունն ու լրագրողական էթիկայի բարձր չափանիշներն ապահովելու նպատակով։ Ինչպես հայտարարել է Զուրաբ Աբաշիձեն, ինստիտուցիոնալ մեխանիզմներ կստեղծվեն այդ ստանդարտների մոնիտորինգի և պաշտպանության համար։

Թարգմանությունը՝ Մանուել Թամազյանի