Լիտվայում վարժանքների ժամանակ չորս ամերիկացի զինվոր է զոհվել. զրահամեքենան հայտնաբերվել է ճահճի մեջ

Լիտվայում վարժանքների ժամանակ չորս ամերիկացի զինվոր է զոհվել։ Նրանց զրահամեքենան խորտակված են գտել զորավարժարանի տարածքում գտնվող ջրամբարում։ ՆԱՏՕ-ի գլխավոր քարտուղար Մարկ Ռյուտեն հաստատել է զինվորների մահը, սակայն նշել է, որ միջադեպի մանրամասները դեռևս անհայտ են։ Լիտվայի և ԱՄՆ իշխանությունները հետաքննություն են անցկացնում։

ՆԱՏՕ-ի գլխավոր քարտուղար Մարկ Ռյուտեն հաստատել է Լիտվայում վարժանքների ժամանակ չորս ամերիկացի զինծառայողների մահվան փաստը։ Նա նշել է, որ դեպքի մանրամասները դեռևս անհայտ են։

«Մենք մանրամասներ չգիտենք: Սա իսկապես սարսափելի նորություն է, և մեր մտքերը կապված են սպանվածների ընտանիքների և մտերիմների հետ», -  նրա խոսքերը մեջբերում է Associated Press-ը:

ԱՄՆ բանակի գեներալ-լեյտենանտ Չարլզ Կոստանզան շնորհակալություն է հայտնել Լիտվայի ռազմական և փրկարարական ծառայություններին որոնողափրկարարական գործողության մեջ ցուցաբերած օգնության համար՝ նշելով միջազգային համագործակցության և գործընկերության կարևորությունը: Ներկայումս ողբերգության հանգամանքների հետաքննություն է տարվում։

«Ես կցանկանայի անձամբ շնորհակալություն հայտնել լիտվացի զինվորականներին և առաջին պատասխանողներին, ովքեր օգնեցին մեզ փրկարարական գործողության մեջ: Հենց նման թիմային աշխատանքն ու օգնությունն է ցույց տալիս մեր գործընկերության և մարդասիրության կարևորությունը՝ անկախ նրանից, թե ինչ դրոշներ ունենք մեր ուսերին», - ասել է նա: