ՄԱԿ-ը մտահոգված է ՌԴ-ի սահմանամերձ շրջանների մարդկային կորուստներով
Աշխարհ
Ռուսաստանի սահմանամերձ շրջաններում մարտական գործողություններից մարդկանց զոհվելը դարձել Է ՄԱԿ-ում պաշտոնական մտահոգության առարկա: Համապատասխան հայտարարությունն արել է միջազգային կազմակերպության գլխավոր քարտուղարի օգնական Ջոյս Մսույան Ուկրաինայի հարցով ՄԱԿ-ի Անվտանգության խորհրդի նիստի ընթացքում: Այն հրապարակվել Է ՄԱԿ-ի մամուլի ծառայությունում։
«Մենք խորապես մտահոգված ենք շարունակվող ռազմական գործողությունների զոհերով ոչ միայն ամբողջ Ուկրաինայում, ներառյալ օկուպացված շրջանները, այլև Ռուսաստանի Դաշնության որոշ մասերում: ԶԼՄ-ներում հաղորդվում է Կուրսկի, Բելգորոդի և Բրյանսկի շրջաններում քաղաքացիական ենթակառուցվածքների վնասման և քաղաքացիական բնակչության շրջանում զոհերի մասին», - ասել է Մսույան:
Նա հակամարտության կողմերին կոչ է արել պահպանել միջազգային մարդասիրական իրավունքը, որը պահանջում է հոգ տանել խաղաղ բնակիչների և քաղաքացիական օբյեկտների պաշտպանության մասին:
Մսույան նաև հույս է հայտնել Ուկրաինայում ռազմական գործողությունների շուտափույթ դադարեցման և կայուն խաղաղության հաստատման մասին:
ՈՒՂԻՂ ԵԹԵՐ
Ամենադիտված 
ՀՀ-ում ԱՄՆ դեսպանատնից լավ լուր․ նոր հնարավորություններ՝ հայ զինվորականների համար
