Կատարը ԱՄՆ-ից անօդաչու սարքեր և զինամթերք կգնի
Աշխարհ
ԱՄՆ Պետդեպարտամենտը հավանություն է տվել Կատարին անօդաչու թռչող սարքերի և դրա հետ կապված համակարգերի ու զինամթերքի վաճառքի հնարավոր գործարքին՝ ընդհանուր առմամբ 1,96 միլիարդ դոլարով։ Համապատասխան հայտարարությունը հրապարակվել է ԱՄՆ Պաշտպանական անվտանգության համագործակցության գործակալության կայքում։
«Առաջարկվող վաճառքը կբարձրացնի Կատարի՝ ներկա և ապագա սպառնալիքներին դիմակայելու կարողությունը՝ տրամադրելով հետախուզական հսկողություն, թիրախների ձեռքբերում, հակացամաքային և հակածովային կարողություններ նրա անվտանգության և պաշտպանության համար։
Հայտարարության մեջ ասվում է, որ առաքումը ներառում է ութ MQ-9B անօդաչու թռչող սարք (ԱԹՍ), ինչպես նաև 110 AGM-114R2 Hellfire II հրթիռ, 200 KMU-572 ուղղակի հարձակման զինամթերքի պոչամբար և 300 BLU-111 500 ֆունտ ընդհանուր նշանակության ռումբեր: Բացի այդ, գործարքը ներառում է ուղղորդման համակարգեր, շարժիչներ, ուղղորդման գլխիկներ, ուսումնական հրթիռներ, տրանսպորտային բեռնարկղեր, դրանց սպասարկման և վերածրագրավորման սարքավորումներ, պահեստամասեր և ծրագրակազմ:
ՈՒՂԻՂ ԵԹԵՐ
Ամենադիտված 
Հրապարակվել է սպանված Խամենեիի նստավայրի լուսանկարները (Ֆոտոշարք)
