Հունգարիայում «աբսուրդային» են համարում Ուկրաինայի անդամակցությունը ԵՄ-ին

Ուկրաինայի անդամակցությունը ԵՄ-ին անհեթեթ է և անհնարին, քանի որ երկրի սահմաններն անհասկանալի են, իսկ Կիևը չի կատարել միությանը արագացված միանալու պայմանները։ Այս մասին հայտարարել է Հունգարիայի վարչապետի գրասենյակի ղեկավար Գերգելի Գուլյասը M1 հեռուստաալիքով հեռարձակվող կառավարության ճեպազրույցում։

«Այս պահին մենք չգիտենք, թե որ տարածքային միավորն է ցանկանում միանալ»,- ասել է Գույասը։

Որպես փաստարկ՝ նա մատնանշել է Եվրահանձնաժողովի զեկույցը, որը ցույց է տալիս, որ Կիևը չի կատարել Եվրամիությանն անդամակցելու պահանջները։ Չնայած դրան, նրա խոսքով, Եվրոպան արդեն մի քանի տարի ստիպված է ընդունել Ուկրաինային։

Քաղաքական գործիչը հավելել է, որ ԵՄ-ին երկրի արագացված անդամակցության ծրագիրը լավ մտածված չէ և սպառնում է անկանխատեսելի հետևանքներով։ Մասնավորապես, Գույասը մտահոգություն է հայտնել, որ Ուկրաինայի քաղաքացիները կկարողանան ազատ մուտք գործել ԵՄ անդամ երկրներ։