Հյուսիսային Կորեան դադարեցրել է արտասահմանյան զբոսաշրջությունը․ հայտնի է պատճառը

Հյուսիսային Կորեայի իշխանությունները դադարեցրել են արտասահմանյան զբոսաշրջությունը սոցիալական ցանցերում բացասական արձագանքների պատճառով։ Այս մասին գրում է South China Morning Post (SCMP) թերթը։

«Որոշումն արտացոլում է Փհենյանի անհանգստությունը երկրի մասին բացասական ընկալման վերաբերյալ, որը ձևավորվում է սոցիալական ցանցերում ազդեցիկ անձանց կողմից նման այցելուների հրապարակումներից», - ասվում է հայտարարության մեջ:

Հրապարակման համաձայն՝ զբոսաշրջիկների մուտքը Ռասոն հատուկ տնտեսական գոտի կասեցվել է։ Սեուլի Կորեայի ազգային միավորման ինստիտուտի գիտաշխատող Օ Քյունգ-Սեոբն ասել է, որ զբոսաշրջային գոտու բացումից հետո օտարերկրյա այցելուներին ցուցադրվել են ԿԺԴՀ-ի կյանքի մանրամասները և բացահայտել հասարակության և ռեժիմի ասպեկտները:

Այս տարվա դեկտեմբերի վերջին Հյուսիսային Կորեայի առաջնորդ Կիմ Չեն Ընը հայտարարեց երկրում զբոսաշրջության զարգացման անհրաժեշտության մասին՝ արդյունաբերությունը դարձնելով տնտեսական աճի շարժիչներից մեկը։ Կիմ Չեն Ընն իր հայտարարությունն արել է ԿԺԴՀ-ի արեւելյան ափին գտնվող Մյոնգսասիմնի զբոսաշրջային քաղաք կատարած այցի ժամանակ։