Գազայի հատվածին Իսրայելի հարվածներից՝ 34 մարդ է զոհվել․ Al Jazeera

Գազայի հատվածին վերջին 24 ժամում Իսրայելի օդային հարվածների հետևանքով՝ առնվազն 34 մարդ է զոհվել։ Այս մասին հայտնում է քաթարյան Al Jazeera հեռուստաալիքը։

Նրա խոսքով՝ առնվազն 34 պաղեստինցի է զոհվել իսրայելական բանակի կողմից Ջաբալիա, Դեյր էլ-Բալահ, Գազա, Խան Յունիս քաղաքներում և նրանց հարակից բնակավայրերում գնդակոծությունների, ռմբակոծությունների և գրոհների ժամանակ։

Գազայի հատվածի առողջապահության նախարարությունը հայտնում է, որ 2023 թվականի հոկտեմբերից ի վեր իսրայելական ագրեսիայի հետևանքով զոհվածների ընդհանուր թիվը հասել է 50 357-ի, վիրավորվել է 114 400 մարդ: 2025 թվականի մարտի 18-ից ի վեր, երբ Իսրայելը վերսկսեց մարտերն անկլավում հրադադարի համաձայնագրի ժամկետի ավարտից հետո, տարածաշրջանում ավելի քան 1000 մարդ է զոհվել և 2359-ը՝ վիրավորվել։