Իրանում յոթ մարդ կախաղան է բարձրացվել

Իրանի Սպահան քաղաքում յոթ մարդ կախաղան են բարձրացվել, որոնցից վեցը մեղադրվում է թմրամիջոցների թրաֆիքինգի, իսկ մեկը՝ բռնաբարության մեջ: Այս մասին տեղեկացնում է Agence  France Presse գործակալությունը` հղում կատարելով keyhan պարսկական պարբերականին:

Կախաղան բարձրացվածները եղել են 25-45 տարեկան տղամարդիկ, որոնցից մեկը մեղադրվում է 300 կգ օփիում (ափիոն) տեղափոխելու մեջ, իսկ մնացածները՝ 165 կգ հերոին և կոկաին տեղափոխելու մեջ:

Իրանը կախաղան հանվածների տարեկան ցուցանիշով ամենաբարձր ցուցանիշն ունի Եգիպտոսի, Սաուդյան Արաբիայի և ԱՄՆ-ի հետ միասին:

International Amnesty կազմակերպությունը դատապարտել է այս դեպքը, սակայն Թեհրանը նշել է, որ կախաղան բարձրացնելը անհրաժեշտ միջոց է՝ երկրում կարգ ու կանոն պահպանելու համար:

 Թմրամիջոցները Իրան ներթափանցում են Աֆղանստանի ճանապարհով: