«Թալիբանը» ողջունել է Ռուսաստանի որոշումը

«Թալիբան» շարժումը ողջունում է ՌԴ Գերագույն դատարանի որոշումը՝ կասեցնելու Ռուսաստանում իր գործունեության արգելքը, հայտարարել է Թալիբանի արտաքին գործերի նախարարի պաշտոնակատար Ամիր Խան Մութթաքին։ Նա դա դրական և կարևոր քայլ է անվանել։

Մութթաքիի Գերագույն դատարանի որոշումը հայտնել է Աֆղանստանում Ռուսաստանի դեսպան Դմիտրի Ժիրնովը։ Ի պատասխան՝ Մութթաքին ասել է, որ այդ քայլը «վերացրել է վերջին խոչընդոտը» երկու կողմերի ավելի սերտ համագործակցության համար:

ՌԴ ԱԳՆ-ն հայտարարել է , որ ահաբեկչական կարգավիճակի հեռացումը շարժումից «ճանապարհ է բացում Քաբուլի հետ լիարժեք գործընկերության հաստատման համար, որն իրականացվում է ի շահ ռուս և աֆղան ժողովուրդների»։

Նախարարությունը նշել է, որ Գերագույն դատարանի որոշումը չի ազդի Ռուսաստանի կողմից թալիբների հետ կապված ֆիզիկական և իրավաբանական անձանց, ինչպես նաև այլ խմբերի և ձեռնարկությունների դեմ ՄԱԿ-ի Անվտանգության խորհրդի պատժամիջոցների ռեժիմի պահպանման վրա։