Իրանը սկսել է դեպի Սիրիա և Իրաք ձգվող գազատարի կառուցումը

Իրանը սկսել է գազատարի կառուցումը, որը գազ կմատակարարի Իրաք և Սիրիա, այս մասին հայտնել է իրանական արբանյակային Al Alyam հեռուստաալիքը:

1,5 հազար կիլոմետր երկարությամբ գազատարը յուրաքանչյուր օր 20 միլիոն կուբամետր գազ կմատակարարի Իրաք և Սիրիա: Ընդ որում, 225 կիլոմետր գազատարը կանցնի Իրաքի տարածքով՝ երկրի մայրաքաղաք Բաղդադով՝ մինչև սիրիական սահմանը:

Նախագիծը պլանավորվում է ավարտել մինչև 2013 թվականի աշուն:

Նշենք, որ Իրանը Ռուսաստանից հետո գազի պաշարների չափով երկրորդն է աշխարհում: Յուրաքանչուր օր այստեղ արդյունահանում են մոտ 600 միլիոն կուբամետր գազ: Իրաքով և Սիրիայով անցնող խողովակով ապագայում հնարավոր է իրականացվի գազի մատակարարում նաև այլ երկրներ, այդ թվում՝ Եվրոպա: