«ԱՄՆ-ն սղոցում է այն ճյուղը, որի վրա նստած է»․ Պեկինը Վաշինգտոնին խորհուրդ է տալիս նվազեցնել սակագները
Աշխարհ
Վերջերս ԱՄՆ-ը, հակառակ համաշխարհային հանրության համընդհանուր դատապարտմանը, անհեթեթ պատրվակներով, այսպես կոչված փոխադարձ մաքսատուրքեր է սահմանել բոլոր առևտրային գործընկերների նկատմամբ ՝ բարձրացնելով չինական ապրանքների սակագները մինչև 125% և ավելի, գրում է ՌԴ-ում Չինաստանի դեսպան Չժան Հանհոյը:
«Պատմությունն ու փաստերը կապացուցեն, որ մաքսատուրքերի բարձրացումը չի լուծի ԱՄՆ-ի ներքին խնդիրները, դա նման է «սխալ դեղատոմսով դեղ ընդունելուն», որը ոչ միայն չի վերացնի առևտրային դիսբալանսը, այլև հարված կհասցնի հենց Ամերիկային՝ անկազմակերպելով միջազգային առևտուրը։ Ի վերջո, Ամերիկան սղոցում է այն ճյուղը, որի վրա նստած է»- գրել է դեսպանը։
Նրա խոսքով՝ եթե ԱՄՆ-ն իսկապես շահագրգռված է Չինաստանի հետ մաքսատուրքերի հարցում ներգրավվելով, պետք է անհապաղ շտկի իր սխալ քայլերը և դրսևորի հավասարության, հարգանքի և փոխադարձ շահի վրա հիմնված մոտեցում: Եթե նրանք շարունակեն համառել իրենց մոլորությունների մեջ, Չինաստանը կդիմադրի մինչև վերջ և վճռական միջոցներ կձեռնարկի իր շահերն ու համաշխարհային հանրության ընդհանուր արժեքները պաշտպանելու համար՝ կտրականապես հրաժարվելով ԱՄՆ-ի վերջնագրերին և ուժային ճնշումներին:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
