Գերմանիայի՝ Կիևին Taurus մատակարարելու սպառնալիքները կռիվ է բանակցությունների սեղանի շուրջ տեղի համար. ՌԴ ԱԳՆ

Ուկրաինային հեռահար Taurus թևավոր հրթիռներ մատակարարելու Գերմանիայի սպառնալիքները կարող են լինել Եվրամիության սակարկությունների և Միացյալ Նահանգների վրա ճնշում գործադրելու մաս, որպեսզի ԵՄ երկրները տեղ ունենան ուկրաինական հակամարտության շուրջ բանակցությունների սեղանի շուրջ: Այս մասին «Ռոսիա 24» հեռուստաալիքի եթերում ասել է ՌԴ ԱԳՆ եվրոպական խնդիրների դեպարտամենտի տնօրեն Վլադիսլավ Մասլեննիկովը։

«Կարծում եմ, որ սա ճնշման տարր է ոչ միայն մեզ վրա, այլ նաև, իրոք, բանակցային գործընթացի վրա, ամերիկացիների վրա, սա բանակցությունների սեղանի շուրջ տեղի համար սակարկության տարր է, ինչին Եվրոպան այնքան մոլեգնորեն ձգտում է»,- ասել է նա։

Դիվանագետի խոսքով՝ այդ զենքերի շուրջ քննարկումները ցույց են տալիս Գերմանիայի և ՆԱՏՕ-ի նրա մյուս դաշնակիցների ցանկությունը՝ հետագա առճակատման Ուկրաինայի շուրջ։