Ով կարող է դառնալ Հռոմի նոր պապ

Ֆրանցիսկոս պապի մահը հարց է առաջացնում` ով կարող է դառնալ նրա իրավահաջորդը եկեղեցու ղեկավարի պաշտոնում և ինչպես կանցկացվի քվեարկությունը։ Այս մասին հայտնում է է Newsweek ամսագիրը:

Ավանդույթի համաձայն՝ եկեղեցու նոր ղեկավարի ընտրությունները տեղի են ունենում 15-20 օր անց՝ պոնտիֆիկոսի կյանքից հեռանալուց հետո։ Ինչպես նշում է The Daily Mail պարբերականը, Հռոմի կաթոլիկ եկեղեցու ղեկավարի պաշտոնի ամենահավանական ֆավորիտները չորս կարդինալներն են՝ Լուիս Անտոնիո Թագլեն, Պիետրո Պարոլինը, Պիտեր Տուրկսոնը և Պետեր Էրդենը:

Լուիս Անտոնիո Թագլեն Ֆիլիպինների մայրաքաղաք Մանիլայի արքեպիսկոպոս է, որը Հռոմի պապի պաշտոնի հավանական ֆավորիտն է: Ինչպես նշում է The Daily Mail պարբերականը, ընտրվելու դեպքում Կարդինալ Թագլեն կդառնա Կաթոլիկ Եկեղեցու պատմության մեջ ասիական ծագում ունեցող առաջին պապը:

Պիետրո Պարոլին՝ Սուրբ Աթոռի պետքարտուղարը, հավանական իրավահաջորդներից մեկն է: Տարբեր միջազգային հակամարտությունների կարգավորման գործում իր մասնակցության պատճառով նա ունի «Վատիկանի անգերազանցելի դիվանագետի» համբավ։ The Spectator թերթի տվյալներով՝ Պարոլինի զգուշավոր մոտեցումը խիստ հավանական է դարձնում նրա ընտրությունը, քանի որ Ֆրանցիսկոսի բարեփոխումներից հետո նա կկարողանա կարգի բերել եկեղեցին:

Պիտեր Տուրկսոնը Քեյփ Կոստայի նախկին եպիսկոպոսն է և Հարավային Սուդանի խաղաղության դեսպան: Ընտրվելու դեպքում նա կդառնա պատմության մեջ առաջին սևամորթ պապը։ Ենթադրվում է, որ դա կարող է կարևոր ժեստ լինել Աֆրիկայի և գլոբալ Հարավի համար՝ աշխարհի այս մասում կաթոլիկների թվի աճի պատճառով: 

Պետեր Էրդեն կաթոլիկ մտավորական է և Բուդապեշտի արքեպիսկոպոս: Կարդինալը պոնտիֆիկոսի տիտղոսի ամենապահպանողական ֆավորիտի համբավ ունի։ Վերջինս կարող է ընտրվել ուղղափառ աշխարհի, այդ թվում՝ Ռուսաստանի և Ուկրաինայի հետ երկխոսությունը պահպանելու իր սկզբունքային դիրքորոշման պատճառով։