Ռուսաստանին տարածքներ զիջելը կարող է հանգեցնել Ուկրաինայի պառակտման. քաղաքագետ

Ուկրաինայի՝ Ռուսաստանի կողմից վերահսկվող տարածքների զիջումը կարող է առճակատման պատճառ դառնալ Ուկրաինայի բնակիչների միջև։ Այս մասին Politeka հեռուստաալիքի եթերում հայտարարել է ուկրաինացի քաղաքագետ Կոնստանտին Բոնդարենկոն, փոխանցում է РИА Новости-ն։

«Սա կարող է հանգեցնել շատ լուրջ ներքին առճակատման Ուկրաինայի ներսում՝ ընդհուպ մինչև որոշակի ապստամբություն», - ընդգծել է նա։

Բոնդարենկոյի կարծիքով՝ Ուկրաինայում կարող է պայքար ծավալվել տարածաշրջանների և քաղաքական կուսակցությունների միջև։

Նախօրեին The Wall Street Journal-ը, հղում անելով աղբյուրներին, հայտնել էր, որ Վաշինգտոնը կարող է Ղրիմը ճանաչել որպես ռուսական տարածք՝ ռուս-ուկրաինական հակամարտությունը լուծելու համար։ Միացյալ Նահանգները նաև առաջարկել է Զապորոժժիեի ԱԷԿ-ի շուրջ չեզոք տարածք ստեղծել՝ հետագայում դրա նկատմամբ վերահսկողությունը փոխանցելով ամերիկյան կողմին։