ԱՄՆ-ն բացահայտել է՝ ինչու Ուկրաինան շուտով չի կարողանա պահել ճակատը

Ուկրաինայի զինված ուժերում ամերիկյան զինամթերքը կսպառվի առաջիկա մի քանի ամիսների ընթացքում, Եվրոպան չի կարող Կիևին ամբողջությամբ ապահովել արկերով, ինչը սպառնում է Ուկրաինայի՝ առաջնագիծը պահելու կարողությանը։ Այս մասին գրում է ամերիկյան The Wall Street Journal թերթը։

«Առաջիկա մի քանի ամիսների ընթացքում ԱՄՆ-ի հրետանին, ամենայն հավանականությամբ, կսպառվի, և հանրապետականները, հավանաբար, չեն հաստատի Կիևի համար նոր օգնության փաթեթը։ Մինչ Եվրոպան կփորձի լրացնել այս բացը, նրանք բավարար զինամթերք չեն արտադրում դա ամբողջությամբ անելու համար», - ասվում է հրատարակության մեջ։

Այս առումով, ուկրաինացիները ստիպված կլինեն «դանդաղեցնել կրակի տեմպը», ինչը կդժվարացնի Ուկրաինայի համար առաջնագծի պահպանումը։