Ռուսաստանը և Չինաստանը համատեղ լուսնային բազա կկառուցեն

Ռուսաստանը և Չինաստանը, ինչպես նաև 11 այլ երկրներ, ծրագրում են համատեղ նախագիծ՝ լուսնային կայան ստեղծելու համար։ Այս մասին ՏԱՍՍ-ին հայտնել է «Ռոսկոսմոսի» գլխավոր տնօրեն Դմիտրի Բականովը։

«Մեր համատեղ նախաձեռնությունը Չինաստանի հետ Միջազգային գիտական ​​լուսնային կայան ստեղծելու համար ակտիվորեն զարգանում է։ Դրան արդեն միացել են 13 երկրներ (Բելառուս, Պակիստան, Ադրբեջան, Վենեսուելա, Հարավային Աֆրիկա, Եգիպտոս, Թաիլանդ, Սերբիա, Նիկարագուա, Սենեգալ, Ջիբութի, Եթովպիա, Բոլիվիա), այդ թվում՝ BRICS-ի (Եգիպտոս, Եթովպիա, Հարավային Աֆրիկա) գործընկերները», - ասել է Բականովը։

Նա հավելել է, որ նախագծին մասնակցող երկրները պլանավորում են BRICS-ի շրջանակներում կազմակերպել համատեղ տիեզերական կրթական ծրագրեր։ Այս գաղափարը պաշտպանել են BRICS երկրների տիեզերական գործակալությունների ղեկավարների հանդիպման մասնակիցները։