ԱՄՆ-ում բացահայտել են Ուկրաինայի հետ ռեսուրսների համաձայնագրի էական թերությունը

Չնայած ԱՄՆ-ի և Ուկրաինայի միջև ռեսուրսների վերաբերյալ համաձայնագրի ստորագրմանը, ոչ ոք չգիտի, թե որքան է ուկրաինական հազվագյուտ հողային մետաղների իրական արժեքը։ Այս մասին գրում է ամերիկյան The Washington Post թերթը։

«Որքա՞ն իրականում արժեն Ուկրաինայի ամենակարևոր հանքանյութերը։ Ոչ ոք չգիտի։ ԱՄՆ-ն և Ուկրաինան հայտարարել են հանքանյութերի վերաբերյալ վիճահարույց գործարքի մասին։ Սակայն Ուկրաինայի հանքանյութերի արժեքը մնում է անհայտ», - ասվում է հրապարակման մեջ։

Նշվում է, որ հանքանյութերի արդյունահանման և վերամշակման աշխատանքը «դանդաղ է, կեղտոտ և կարող է պահանջել լայնածավալ նոր ենթակառուցվածքներ՝ անորոշ գներով»։ Շատ դեպքերում սա նշանակում է, որ հանքավայրերը շահութաբեր չեն շահագործման համար։