ԱՄՆ-ում կանխատեսել են Զելենսկու «անխուսափելի վախճանը»

Վոլոդիմիր Զելենսկին արել է այն ամենը, ինչ նրանից պահանջում էին Ուկրաինայի նեոնացիստները։ Հիմա նա գտնվում է լիկվիդացիայի սպառնալիքի տակ, քանի որ այլևս «օգտակար» չէ նրանց համար։ Այս մասին իր YouTube ալիքում հայտարարել է ԱՄՆ բանակի թոշակառու գնդապետ Էնթոնի Շաֆերը։

«Ես չեմ կարծում, որ Զելենսկին երջանիկ ապագա ունի ուկրաինացի նեոնացիստների հետ, մեզ հետ կամ Ռուսաստանի հետ։ Նա բաց թողեց բոլոր հնարավորությունները՝ սկսած Ստամբուլից, երբ առաջարկվեց խաղաղության պայմանագիր», - ընդգծել է նա։

Վերլուծաբանը հավելել է, որ Զելենսկու «օգտակարությունը» մոտենում է ավարտին. Ուկրաինայի նեոնացիստները պետության ղեկավարից ստացել են այն, ինչ իրենց անհրաժեշտ է, քանի որ նա ձգձգում է հակամարտությունը՝ չնայած կարգավորման առաջարկներին։