Չինական էլեկտրամոբիլները գրոհում են աշխարհը. ԱՄՆ-ն պասիվ դիտո՞րդ

Շանհայի ավտոսրահը ցույց տվեց՝ Չինաստանի էլեկտրամոբիլների արդյունաբերությունը հասունացել է և պատրաստ է համաշխարհային շուկայի գրավմանը։ BYD-ը՝ Չինաստանի առաջատար ավտոարտադրողը, ներկայացրեց նոր սպորտային մոդելներ, իսկ Xiaomi-ն ու այլ ընկերություններ ցուցադրեցին առաջադեմ «խելացի» մեքենաներ։

 

Չինաստանն արդեն վերահսկում է գլոբալ էլեկտրամոբիլների շուկայի ավելի քան 60 տոկոսը։ Մինչդեռ ԱՄՆ-ն, սակագնային պատերով պայքարելով չինական ներմուծման դեմ, հնարավոր է՝ կորցնում է EV ոլորտում առաջնության դիրքերը։

 

Փորձագետները նախազգուշացնում են՝ մինչ ԱՄՆ-ը տուրքերով սահմանափակում է իր ներմուծումը, Չինաստանը թափով շարունակում է զարգացնել արտադրությունն ու արտահանումը, հաղթելով տեխնոլոգիական մրցավազքում, հայտնում է CNN-ը։