Սերբիայի նախագահը հոսպիտալացվել է

Սերբիայի նախագահ Ալեքսանդր Վուչիչն այսօր հոսպիտալացվել է Բելգրադի Ռազմաբժշկական ակադեմիայում (VMA), տեղեկացրել է «Танюг»-ը։

VMA-ում նրան սպասում էին առողջապահության նախարար Զլատիբոր Լոնչարը եւ բժիշկ Դրագան Դինչիչը։

Ամերիկայի Միացյալ Նահանգներ կատարած այցելության ժամանակ Վուչիչը հանկարծակի հիվանդացել է, ինչից հետո դիմել է բուժօգնության համար եւ բուժզննումից հետո որոշել է վերադառնալ Սերբիա։

Հիվանդության պատճառով նա չի կարողացել ներկա գտնվել հիմնական միջոցառումներին, հանուն որոնց մեկնել էր Ամերիկա, գրել է սերբական լրատվամիջոցը։