TikTok-ը Եվրոպայում տուգանվել է 530 միլիոն եվրոյով

 Իռլանդիայի տվյալների պաշտպանության հանձնաժողովը 530 միլիոն եվրոյով տուգանել է չինական ByteDance ընկերությանը, որը TikTok սոցիալական ցանցի սեփականատերն է, եվրոպացի օգտատերերի մասին տվյալները Չինաստան անօրինական կերպով փոխանցելու համար։

Հանձնաժողովը նաև ByteDance-ին վեց ամիս ժամանակ տվեց խախտումները շտկելու համար։

Հանձնաժողովի տվյալներով՝ ընկերությունը եվրոպական TikTok օգտատերերի տվյալները պահել է Չինաստանում գտնվող սերվերներում, որտեղ դրանց հասանելիություն կարող էին ունենալ չինական իշխանությունները։ Սա Եվրոպական Միության գործող կանոնների խախտում է, որոնք արգելում են եվրոպացիների մասին տեղեկատվության փոխանցումը այլ երկրների իշխանություններին։