Nestlé-ն խոշոր խաղ է խաղում Թրամփի սակագնային կազինոյում

Նախագահ Թրամփի նոր մաքսային քաղաքականությունից առաջացած ճնշումների ֆոնին՝ սպառողական ապրանքներ արտադրող հսկաները կանգնել են ընտրության առաջ՝ բարձրացնե՞լ գները, թե՞ կլանել ծախսերը։ Nestlé-ն որոշել է գնալ ռիսկի՝ չբարձրացնել գները՝ հույս ունենալով ամրապնդել վաճառքները ու վերադարձնել շուկայի մասնաբաժինը։ Սա տարբերվում է Colgate-Palmolive-ի, Procter& Gamble-ի ու Kraft Heinz-ի մոտեցումից, որոնք հայտարարել են գների բարձրացման և վաճառքի կանխատեսումների նվազման մասին՝ փորձելով ծածկել Թրամփի 10% հակադարձ սակագների հնարավոր ազդեցությունը։

 

Nestlé-ի նոր տնօրեն Լորան Ֆրեյշը պնդում է, որ ընկերությունը «իմուն է» մաքսային ճնշումներից, քանի որ իր արտադրության 90%-ը տեղական է։ Nestlé-ն կանխատեսում է շահութաբերության անկում՝ 17%-ից մինչև 16%։ Եթե մաքսային ազդեցությունները շարունակական լինեն կամ վաճառքի աճ չլինի, ապա ընկերության ղեկավարությունը կարող է կրկին փոփոխությունների ենթարկվել, փոխանցում է Reuters-ը ։

 

Այս պահին Nestlé-ն խաղում է վտանգավոր, բայց հնարավոր հաղթական խաղ՝ զոհաբերելով շահույթը՝ շուկան պահելու համար։ Սակայն եթե սպառողները շարունակեն նախընտրել ավելի էժան ապրանքանիշերը, նույնիսկ այդ ռազմավարությունն արդյունավետ չի լինի։