Ալեն Սիմոնյանը գումարով գովազդ է միացրել զվարճանքներով լի լուսանկարի վրա

Էսօր մեր քաղաքագետներից մեկի հետ էի զրուցում, ջղայնացած, վրդովված բացատրում էր, որ Հայաստանն իրականում ծանրագույն վիճակում է, աշխարհաքաղաքական իրավիճակն է շատ վտանգավոր, ռեգիոնալ ու գլոբալ պատերազմից «ընդամենը 5 ենք պակաս», Թուրքիան ու Ադրբեջանը հարմար պահի են սպասում, իսկ Նիկոլ Փաշինյանն էս իրավիճակում դրած Ֆեյսբուքում մարդկանց անձնական կյանքն է քննարկում: Ու էս ֆոնին մտնում եմ Ինստագրամ ու ի՞նչ տեսնեմ... Ազգային ժողովի նախագահի պաշտոնը զբաղեցնող Ալեն Սիմոնյանը երջանիկ ու անհոգ ժպիտով լուսանկար է հրապարակել երկու նախարարների հետ Ինստագրամի իր պաշտոնական էջում՝ հերիք չի, մի բան էլ գովազդ է միացրել նկարի վրա (): Գովաաաազդ, արա՜, գովաաաաաազդ՝ «սիրուն» ու «պուպուշիկ» նկարի վրա: Ու դա անում է պետության երկրորդ դեմքը (): Ժողովուրդ, դուք ադեկվա՞տ եք ընդհանրապես: Օրինակ, ի՞նչն եք գովազդում, պարոն Ալեն Սիմոնյան: Հանրային դիվանագիտության շրջանակներում միջազգային մի կարևոր գործընկերոջ հետ եք հանդիպել, գովազդ եք միացնում, որ ավելի շատ մարդ տեսնի, թե՞ ուղղակի ուշադրության ու լայքերի պակասի խնդիր ունեք: Լավ, հասկացանք, ցուցամոլությունն էլ չափ ու սահման ունի: Մոտս գնալով խորանում է էն համոզումը, որ մեր երկրի՝ գնալով վատացող վիճակը մենակ մեր պես հասարակ մարդկանց է մտահոգում, իսկ վերին էշելոններում ապրում են էսպիսի «երջանիկ» ու «անհոգ» դեմքերով: Մեզ հիմա ընդամենը մի բան է պակասում՝ պարզապես մի քիչ ադեկվատություն: